E allora bevo ……… di Edoardo De Filippo 1973
E allora bevo…
Dint ‘a butteglia
n’atu rito ‘e vino
è rimasto…
Embè
Che fa m’ ‘o guardo?
M’ ‘o tengo a mente
e dico.
«Me l’astipo
e dimane m’ ‘o bevo?»
Dimane nun esiste.
E ‘o juorno primma
siccome se n’ è gghiuto,
manco esiste.
Esiste sulamente
‘stu momento
‘e chisto rito ‘e vino int’ ‘a butteglia.
E che faccio,
m’ ‘o perdo?
Che parlammo a ffà!
Si m’ ‘o perdesse
Manc’ ‘a butteglia me perdunarria. E allora bevo…
E chistu surz’ ‘e vino
vence ‘a partita cu l’eternità!
Eduardo De Filippo, da Le poesie, Einaudi, 1973
(butteglia: bottiglia; n’atu rito: un altro dito; tengo mente: contemplo; astipo: conservo; juorno: giorno; gghiuto: andato; chistu: questo; vence. vince).
Related Posts
Tags
Share This
