Boni vacanzi
Boni Vacanzi
Putiti diri ca haju propiu la mania
di leggiri ogni gnornu ‘na puisia,
chidda di oggi è produzioni mia,
pirciò puviredda e senza fantasia.
Ma servi a diri a sta bella cumpagnia
comu già mi sta pigghiannu ‘a nustargia
a pinzari ca è l’ura di chiuiri putia
e pi’ li vacanzi irinninni via.
A cu’ ci cuntu ora ‘a storia e ‘a puisia?
‘U vostru entusiasmu e l’alligria,
chi piacevuli ‘u studiu nni facia,
lassa ora ‘u passu a la malincunia.
Ma ‘u tempu vola, ma chi vo’ chi sia?
Passerà a ‘stati câ so’ frinisia
e in autunnu speru ‘nzemmula cu’ mia
ripigghierete ‘a vostra bella via!
Quarcunu dici: Ma nun è fuddia
pinzari ca ‘a genti nun si disfizzia
di sentiri sempri’ a stissa litania
puntualmenti tutti ‘i santi lunniria?
Ma ‘u fattu è, e nun dicu una bugia,
ca si ‘n autru annu pigghiati ‘n’autra via
e mi traditi cu’ cu sia sia
m’afferra una vera e propia gilusia!
Pirchì haju bisognu di la vostra simpatia,
dû vostru affettu ca ‘u cori mi quadia
e di sta genti ca puru quannu ciarmulia
è pi’ me’aricchi una vera sinfunia!
Guditivi ‘a stati senza firnicia,
divirtitivi stannu in bona cumpagnia
a mari,ai munti, unni sia sia,
passati ‘i vacanzi in saluti e viguria,
stannu luntanu di dutturi e farmacia!
Chistu è chìddu ca diri vi vulia
e tuttu chìddu ca scriviri sapia.
‘Nsumma, ‘u sucu di tutta ‘a puisia
è ca Michelangelu cu’ amuri v’addisia
ca passassivu una stati di magia
campannu sempri cû munnu in armunia,
stannu a braccettu ni la vostra via
cu tri fimmini di granni leggiadria
ca si chiamanu Saluti, Paci e Alligria!
E ACCUSSI SIA!!!!!!!
(Iu avissi cuntinuatu la puisia,
si tuttu ‘na vota nun mi finia
l’elencu di palori ca hannu rima in ia.
Viju quarcunu ca cuntenti si nni pria,
mi pari ca versu ‘u celu iddu talia
e dici grazii a Gesuzzu e a Maria
ca a Michelangelu ‘a rima ci scarsia
e accussì nni niscemu di sta malatia!!!!)
Buone Vacanze
Potete forse dire che ho proprio la mania
di leggervi ogni giorno una poesia,
ma quella di oggi è di produzione mia,
e perciò, povera e senza fantasia.
Con essa voglio dire a questa bella compagnia
come già mi senta preso dalla nostalgia
pensando che è ormai ora di chiudere il bottega
e di andarcene in vacanza.
A chi potrò ora parlare di storia e recitare una poesia?
Il vostro entusiasmo e l’allegria
che rendevano piacevole il nostro studio
lasciano ora il passo alla malinconia.
Ma il tempo vola, cosa vuoi che sia?
Passerà l’estate con la sua frenesia
ed in autunno spero che ancora con me
riprenderete la vostra bella via.
Qualcuno dice: ma non è follia?
pensare che la gente non si stufi
a sentire sempre la stessa litania
puntualmente tutti i santi lunedì?
Ma il fatto è, e non dico una bugia,
che a pensare che il prossimo anno possiate scegliere un’altra via
e tradirmi con chiunque sia
mi sento prendere da una vera e propria gelosia.
E ciò perché ho bisogno della vostra simpatica presenza e
del vostro affetto che mi riscalda il cuore;
e di gente come voi il cui chiacchiericcio
è per le mie orecchie una vera sinfonia!
Godetevi l’estate mettendo da parte le preoccupazioni,
divertitevi stando in buona compagnia
al mare, ai monti, ovunque vogliate;
passate le vacanze in salute e vigoria,
stando lontani da medici e farmacie.
Tutto ciò volevo dirvi,
ed è d’altra parte ciò che sono riuscito a scrivere.
Per concludere, voglio dire che il significato di questa poesia
è che Michelangelo con tutto il suo amore vi augura
che possiate trascorrere una magica estate,
vivendo in tutta armonia con il mondo intero,
stando sempre vicini nel vostro cammino
a tre donne di grande leggiadria
i cui nomi sono SALUTE, PACE ed ALLEGRIA!
E così sia!
(Avrei continuato la poesia,
se non si fosse improvvisamente esaurito
l’elenco di parole con la rima in ia.
Vedo qualcuno che di ciò si rallegra
e mi pare che volga il suo sguardo al cielo
per ringraziare Gesù e Maria
che a Michelangelo viene ora a mancare la rima;
cosa che evita il fastidio di una tiritera troppo lunga!)
Related Posts
Tags
Share This
